بسم الله الرحمن الرحيم
---------------------------------------------------------------------
هذي محادثة بالمسنجر بين ولد و.....
السبت:-
ترغب عبير فى الانضمام اليك هل تود استضافتها ؟
الدلخ :الله يهلك من كمبيوتر ما قلتلك ايي بنت اقبلها وانت مغمض يالله انك تحييها يا هلا ومرحبا اعوذ بالله قحط فى هالماسنجر ولا بنت يلله نقبل عشان نشوف منهى (مسوى ثقل قدام نفسى )
الاحد:-
طول اليوم شابك على المسنجر ابشوف منهى ( انعمت عيونى من الشاشه )
وبعد خمس ساعات : قامت عبير بتسجيل الدخول
والدلخ مسوى ثقل وهو يحترق يبغى يشوف منهى وكم عمرها ومن وين و ؟؟؟؟؟؟؟؟؟؟
عبير : سلاام
الدلخ :هلاا
عبير : كيفك
الدلخ : كيفك انتى
عبير : (كيفك انتى ) حركات على بالك لبنانى
الدلخ : انا احلى من اللبنانيين لا تحقرينى
عبير : لا يا شيخ من تشبه
الدلخ : اشبه الشمس فى عز الظهر واشبه القمر ليلة اربعتعش
عبير : اقول يالدلخ
الدلخ : يا عيون الدلخ
عبير : ليش أنت بطئ ما ترد بسرعة معاك احد غيري ؟؟
الدلخ :لا لا لا والله محد معاي
عبير : ترى بسكر المسنجر
الدلخ : لا تكفين شوى بس شوى خلى نسولف ( ما صدقنا على الله بوحدة تبي تسكر )
عبير : طيب قولي نكتة
الدلخ : تبين نكتة عن باسكال مشعلاني
عبير : وسخه ولا زينه
الدلخ : يعنى وسط
عبير : ل ابي نكتة غيرها لأن باسكال تقهرني بدلعها ما احبها
الدلخ : طيب فيه واحد نذل دايم يجى لبيتهم متاخر وطرده ابوه من البيت
راح وكتب على البيت لوحه : سكن امريكان علشان يفجرونه
عبير : ل
ل
ياحبي لك يالدلخ انا اموت فيك ..يا خفك
الدلخ : شنو تقولين؟
عبير : قصدى يا خف دمك
الدلخ : اشوه عبالي تقولين شي ثاني
عبير : حبيبى ممكن بوسه
الدلخ : عبير مو على طول يا بعد عمري
عبير : اوكى بس باجر تعطيني بوسة ؟
الدلخ : ولا يهمك
الدلخ : اه اه اه
عبير : شفيك سلامات
الدلخ : قلبى قلبى ياعبير بدى يحب
عبير: افا بس توه بدا يحب
الدلخ : توه دل دربه بس
عبير : انت شفيك تتأخر في الرد ؟
الدلخ : تونى متعلم الكتابة و اكتب بأصبع واحد جني القطو رز مزة هندية
الي كان بعشر دنانير غلا و صار بواحد و اربعين دينار
عبير : بعد ما شاء الله تناقش الاسعار !!
الدلخ : لا مالنا ومال السياسه من قال اسعار الله يهديج بس !!
عبير : ما علينا بس اشوى احسبك مشبك مع وحده ثانيه وقاعد تكلمها
الدلخ : تطمنى كان عندى ثنتين من شهر اكلمهم وحدة ملت مني تقول بطئ
والثانيه قالت لى: ياثقل دمك ما عندك ذوق لانى قلت لها يا دبه
وقالت ترانى ابحذف اسمك من المسنجر لانك ما عندك ولا كلمه حلوه تخلينى انجذب لك وقالت بعد اسمك الشين يفشلنى عند رفيجاتي
و رازة اسمك جدام خواتي بالماسنجر مثل المنظر!!
عبير : خلاص انا زعلانه منك ليش كلمت غيري
الدلخ : يعنى انتى اللى ما كلمتى
عبير : انا كنت اكلم عشره مو واحد
الدلخ : عشره وانا معهم ولا تسعه وانا العاشر
عبير : ياخى يا غبيك( كل الاعداد اللى تقولهم مجموعهم عشره )
الدلخ : قصدى عشره ولا حدعش يعنى
عبير : ممكن تغير الموضوع ياخى
الدلخ : و الحين جم تكلمين ؟
عبير : واحد يحبنى ويد و يموت فيني
والثانى غبى ويد بس خفيف دم
الدلخ : انا الاول ولا الثانى انا مشبه على الاول بس حاس انى الثانى ومتاكد انى الاول
اللى تحبينه واايد ودي اقول انى الثاني علشان تقولين صح
عبير : دلخوه تراك ضيعتنى
انت شفيك ما تعرف تجمع و لا شنو ؟
الدلخ : اه بس اه
عبير : سلامتك من الاه
الدلخ : ياشين الحب
عبير : ليش شين؟
الدلخ : يضرب الحب شنو بيذل
عبير : حبيبى انا استأذن
الدلخ : افا بدرى ما اتفقنا على كذا
عبير : يا عمرى امى فوق راسى تبيني افصل
عبير : باي جا (يا) اخوي الكبير
الدلخ : يا سفابك والله حسافه !!
عبير : بكره نفس الوقت هذا بااي عمري
ومن بكره اللى يوافق يوم السبت
عبير : مرحبا
الدلخ : مراحب ياهلا هل
عبير : عمرى وشلونك
الدلخ :هلا والله ومسهلا
عبير : انا زعلانه عليك
الدلخ : ليش بس شنو سويت انا ؟
عبير : غن لى اغنيه عشان ارضى عليك ممكن بس لحضه ابحط التحدث وتغنى لى ..
الدلخ : لالا صعبه والله صوتى مو حلو
عبير : لا والله صوتك حلو بس بس يالله غنى لى وترى ماراح اسمعك صوتى الين تغنى !!
الدلخ : اه بس امرنا لله ( وحطينا التحدث )
الدلخ: ممكن بس اسمعك تقولين حبيبى .
وكتبت له: لالا مو ممكن !!
وكتبت له يالله غنى اى اغنيه ..
الدلخ : يبدا يصدح بالصوت العذب ..
هيلي يا رمانة ...... هيلي يا رمانة
والحلوى زعلانه والحلوى زعلانه
مين يراضيها مين يراضيها
انا اراضيها وبروحى افديها
بس مالاقيها فى يوم زعلانه
ياروحى ياعمرى يا حبى العذرى
مليت من صبرى والروح ولهانه
والروح ولها
انه ..
عبير : تسلم يابعد كل الدنيا
الدلخ: الله يسلمك بس تكفين ودى اسمع صوتك ..ممكن !!
عبير : مره ثانيه انا عندى اخوى الصغير وما اقدر اتكلم بس اكتب لك
الدلخ : يعنى اخوك الصغير سمع صوتى
عبير : ايه سامع صوتك وانت تغنى يقول صوته حلو يحسبه مسجل يقول عيدى الشريط !!
الدلخ : الله يعافيه اللى مدح صوتى .
عبير: ممكن تغنى لى ويلي مالت راشد الماجد
الدلخ : ما تلاحظين ياعمرى انى عطيتك وجه !!
عبير : نعم نعم عن الغلط بس
الدلخ : اتغشمر اتغشمر و الله اتغشمر لا تزعلين
عبير : انا فرحانه انك تغنى لى وانت تهزئنى صحيح انك دلخ ما تصبر
مثل ما قالت اختي اللي عطتني الماسنجر مالك
الدلخ : اسف والله اسف يالله اغنيها لك عشان ما تزعلين
ويللى ياويلى ويلى ياويلى اه ياويلى اه ياويلى
مالى فى هلدنيا سواك مالى فى هلدنيا سواك
كفايه جروح ياروح الروح كفايه جروح
حبه ابى ياناس ابى قربه وبروحى اشتريه
اسف والله ترى ما حفضتها كلها
الدلخ : اقول صلاة الفجر الحين شرايك باجر قبل موعد اليوم بشوي
عبير : لالا نتواعد انا وياك نتغدى مع بعض باجر
الدلخ : لالالا ما يصير مو معقول الكلام هذا ....... حلفي انج صادقة !!
عبير : والله اتغدى انا وياك والوالده مع بعض
اصلا كل يوم اتغدى انا وياك مع بعض
الدلخ : يا ويح قلبي ... من معي
عبير : انا اخوك الصغير يا غبي
والله لاأعلم أمي عليك
موضوع: محادثه بين بنت ولد باالمسن 
الجمعة نوفمبر 07, 2008 8:23 am
