قلت
أحبك....
وناظرتني...
وضحكت....
وأشرقت عشرين شمس
وأهلكت عشرين ليل
,
قلت خير...؟!
كل هالضحكة على كلمة أحبك...؟!
قالت
إسمع ياعزيزي...
منهو اللي مايحب الحلو " مثلي" ...؟!
يالله...
إسأل أي واحد
وشوف رده وش يقول...؟!
كلهم بيجاوبون بصوت واحد
كلنا نحبها...
بس كله ياعزيزي حُب كذب
,,
حبهم " بس " لجمالي
وشكل شعري
وريح ثغري
ورد خدي
ونحف قدي
والحمار اللي رقد فوق الشفايف
وصفت البيض الرهايف
وإنهزاعي
وميل خصري
,,,
بس هذا ياعزيزي ماهو حب
هذا إسمه شيء ثاني
هذا إسمه
حب نزوة
هذا إسمه
حب " شهوة "
هذا إسمه
عطني حاجة جعل الله يحفظك
وعقبها
قوم عني...وروح باللي مايحفظك
هذا هو حب البهايم
هذا إسمه
حب ليل
وزبدته باكر تسيح
وبيته الواهي يطيح
هذا حبك ياعزيزي
,,,,
أنا روح
عارف أيش يعني روح...؟!
ماني بالونة هواء
و" تمثال " شمع...
عندي قلب
وعندي عين
وعندي دمع
والجمال اللي تشوفه مايدوم
كلها وقت ويروح
وتحب غيري
هذا حبك
هذا شرعك بالهوى
مايجيب إلا الحكي
والسوالف
والجروح
تكفى روح
ياالله خليني لحالي
,,,,,
تكفي نزوات وألم
مانقص قلبي جروح
ياالله روح
أنا احب اللي هواني
في كلامي
وإحترامي
وطيب قلبي
وهام في روحي هيام
يسهر الليل يهذي بي
ماينام
مايبي " نزوة " وبس
ومايزوّر لي قصيدة
من لسانه ... لين إيدة
ماتمر حروفها قلبه
,,,,,,
لا
ياهاوي
ياشقاوي
الهوى ماهو كذا
الهوى ماهو شكاوي
الهوى ماهو " أحبك "
الهوى عطر وشذى
الهوى مو للبنية
الهوى لروح البنية
الهوى إحساس ومشاعر
مايعرفه كل شاعر
الهوى مثل المطية
منفعة
مع طيب نية
,,,,,,,
ولوتقدم لي هدية
لاتقول " اني أحبك "
قل أنا معجب
وبس...
وكان فيك إحساس...حس
لاتناظرني جسد
أنا بنت رجال
وأخت رجال والله وأعجبك
وإن بدت لك حاجةٍ أقوى عليها
سم
وأبشر بسعدك
,,,,,,,,
صعب ياصل لي كذوب
مو على كلمة أذوب
أنا صعبة حيل مرّة
أنا " مهرة " ...من حصان
أناحرة
بنت حرة
أنا ما أحب الذنوب
وماظفر فيني لعوب
بيتي محارة ذهب
لو فتحته شفت " درة "
بنت حر
وبنت حرة
جنوني شفت هالقصيدة وتذكرتك
وان شاءلله تعجبك
موضوع: (( ( أنا مهــرة بنت حر وبنت حرة ...! ل عبدالكريم المهنا ) )) 
الجمعة سبتمبر 05, 2008 3:04 pm
